S'Gmeindemäherle!
Von Hildegard Kümmerle, Ohrnberg

Sau a Mäherle mueß noch her,
wenn's a bloß a gebraucht's vun dr G'meinde wär
D'Ärwet geht viel schneller vun statta
No kau mer a mol ausruha im Schatta.
Sao denkt aner, wu schwätze kau wie a Buach,
Sa Zuhörer kriacha gornia g'nuach.
Er verzählt awer bloß vun andere Leit,
des wecha kummt dr mol selber drau heit.

Dr Kaaf vun dem G'meindemäherle sch bald pefekt
--hamlich denkt dr, hoffentlich wird's net glei defekt.
Des Schema drzu hat'r auswendich studiert,
bal druf hat'r des Mäherle mol ausprobiert.
In der Heiat isch des Mäherle prima ganga
Awer in dr Ärnt hat des Mäherle z'bocka aug'fange.

Die Gerschta im Buckelacker isch schuld gwä drau
Dass ganz aus dem Heisle isch kumma der Mau.
Schmeiße hat'r se wella, dass uff Moda do leit,
sau wia er's g'seh hat bei da andern Leit.
--Immer widder isch se uf die falsch Seita g'flauche.
Ha des kau doch net sei, des Schema hat doch net g'lauche,
ganz deitlich stäht's doch in dem Schema drin,
des isch doch u'möglich , das i sau dumm bin.

Er iwerleicht sich hin und her, wie des Problem zu lösa wär.
Nach am Schema muaß des u'bedingt sou gei.
Noch amol duat dr da Gang nei,
widder, sísch grod zum verzweifeln,
duat am des Mäherle alles vereiteln,
die Gerschta fliacht an d Gerschta nau,
was soll er awer noch fanga au?

Uff amol geht am a Lichtle uff!
Baß uff Karle, jetzt kumme druff!
Wie wär des, wenn i zur Abwechsling
Amol anderscht rum fahrn dät mit dem Ding.
Hasch g'seh, un scho klappt da Loda,
A kloane Lehr isch niamer zum Schoda.

Hildegard Kümmerle aus OhrnbergDie Autorin, Frau Hildegard Kümmerle (18.10.1912 - 19.4.2002), hat im Laufe Ihres Lebens ein paar sehr schöne Mundartgedichte geschrieben, die Sie zu besonderen Anläßen, wie zum Beispiel Große Musikvereinsfeste und ähnlichem vortrug. Siehe auch: Dr Großvatter oder Mei Heimatörtle

    Diesen Artikel bewerten: 10 = super    
1 2 3 4 5 6 7 8 9 10


Kommentar schreiben

 
Ihr Name (oder Nickname)


Ihre Email
(wird nicht angezeigt, und auch nicht an Dritte weitergegeben)



Ihre Homepage (*optional)


Ihr Kommentar
    Mit dem Absenden/Speichern stimmen Sie der AGB zu - Vielen Dank.
 


Home News Fotos Impressum Kleinanzeigen Neueste Kleinanzeigen Kontakte Projekte Kleinanzeige eintragen Hohenlohe Newsletter Veranstalter Nächste Veranstaltungen

Bitte hier Ihre E-Mail Adresse eintragen
alle 3 Tage   alle 7 Tage   alle 14 Tage

Ihre E-Mail: