Dr "Großvatter"
Von Hildegard Kümmerle, Ohrnberg

Dr Großvatter sitzt vorem Haus,
nützt des bisle Sunnaschein aus,
des dr Herbscht noch bringa duat,
denn manch mol geht's am gornet guat.
Er sinniert so vor sich nau,
was soll i uf dera Welt noch dau?

Wenn mer zu gornix isch mei nutz,
isch's bescht, wenn mer Platte putzt.
A Hasta und Jocha isch bloß noch heit,
do isch's anderscht gwe zu meiner Zeit.
Heitzudoch wella's bloß an Haufa Geld,
dass se aug'seh sen in dere Welt.

Mir hewa früahr a g'schaft und g'werkt,
sen a zu ebbes kumma, wohlgemerkt.
Sen glücklich und z'friede gwe dabei,
Awer die Zeit isch ganz und gar vorbei.
Wenn i z'rück denk an mei Jugend,
Was hält die heitich Jugend noch von Tugend?

Die Alte hewa meer g'schätzt und géhrt,
ach was, die Welt isch heit ganz verkehrt.
Sa G'sinning isch net grod heiter,
er tramt noch so a weile weiter.
Großvatterle kumm i brauch de nöttich,
mit dem Klump wird i allo net ferdich.

Sa Enkele schreit's von Weitem scho:
"Großvatterle gell, du muasch mer ebbes do.
Aus meim Wächele isch's Deichsele raus,
zwa Rädlich howe a verlorn dort drauß."
Am Großvatter wird's ganz leicht um's Herz,
vergesse isch alles, was an hat g'schmerzt.

Uf amol hat dr Kraft und Muat,
s'geht am ascho wieder ganz guat.
Endlich isch do ebbern wo an braucht,
und sogar ganz nötich braucht.
Dr Großvatter duat des Wächele macha,
bald hört mer die zwa mitanander lacha!

Hildegard Kümmerle aus OhrnbergDie Autorin, Frau Hildegard Kümmerle (18.10.1912 - 19.4.2002), hat im Laufe Ihres Lebens ein paar sehr schöne Mundartgedichte geschrieben, die Sie zu besonderen Anläßen, wie zum Beispiel Große Musikvereinsfeste und ähnlichem vortrug. Siehe auch: Mei Heimatörtle oder S'Gmeindemäherle

    Diesen Artikel bewerten: 10 = super    
1 2 3 4 5 6 7 8 9 10


Kommentar schreiben

 
Ihr Name (oder Nickname)


Ihre Email
(wird nicht angezeigt, und auch nicht an Dritte weitergegeben)



Ihre Homepage (*optional)


Ihr Kommentar
    Mit dem Absenden/Speichern stimmen Sie der AGB zu - Vielen Dank.
 


Home News Fotos Impressum Kleinanzeigen Neueste Kleinanzeigen Kontakte Projekte Kleinanzeige eintragen Hohenlohe Newsletter Veranstalter Nächste Veranstaltungen

Bitte hier Ihre E-Mail Adresse eintragen
alle 3 Tage   alle 7 Tage   alle 14 Tage

Ihre E-Mail: